ما تجيبش أي سيرة
عن حب عِشرة غيرة
آه يا قلبي من الحكاية دي تعبت خلاص
في ناس الشوق آذيها
الوحدة رحمة ليها
وأنا من الناس اللي عايزة تنسى كل الناس
الفرصة مش سعيدة
والفرحة كانت بعيدة
أول جراح بتبقى صعبة أوي كده ليه
إدِّيت ثقة بزيادة
فنسيت طعم السعادة
شفت أمَّا حبِّي ليه عن حدُّه زاد حصل إيه؟
إقسى وكفاية طيبة
الناس بقت غريبة
بتحب القسوة واللي يمشي تجري وراه
الحب ده أذاني
وحبيبي الأوَّلاني
علشان يعيش فاكرني كان لازم أنساه
الفرصة مش سعيدة
والفرحة كانت بعيدة
أول جراح بتبقى صعبة أوي كده ليه
إدِّيت ثقة بزيادة
فنسيت طعم السعادة
شفت أمَّا حبِّي ليه عن حدُّه زاد حصل إيه؟
