حبيبي لو رسمت كل تفصيلة فيه
حنيته إبتسامته الطيبة اللي في عينيه
رجولته اللي في ملامحه
وسمار لونه، وجماله
وتقله وأنا باصالحه وغيرته وانفعاله
عايزالي ألف صورة لو قالي ارسميني
هارسم بقلبي صورة وهاكمل بعيني
عايزالي ألف صورة لو قالي ارسميني
هارسم بقلبي صورة وهاكمل بعيني
حبيبي من وسامته القمر بيغير
في الجدعنة وشهامته يتكتب أساطير
لو شاف قلقي بعينيا من قبل ما باشتكيله
ألاقيه طبطب عليا بحضن ماليش بديله
عايزالي ألف صورة لو قالي ارسميني
هارسم بقلبي صورة وهاكمل بعيني
عايزالي ألف صورة لو قالي ارسميني
هارسم بقلبي صورة وهاكمل بعيني